22.08.2022 Skráning er hafin í Göngum í skólann 2022. Hægt er að skrá á meðan verkefnið stendur yfir eða fram að alþjóðlega Göngum í skólann deginum þann 5. október nk. Við hvetjum sem flesta til að skrá sig sem fyrst.

Þeir skólar sem ætla að taka þátt í Göngum í skólann þurfa að skrá sig til þátttöku hér á síðunni undir "skráning". Ekkert kostar að skrá sig en tilgreina þarf nafn skóla og tengiliðs ásamt stuttri lýsingu á hvað viðkomandi skóli ætlar að gera í tilefni af Göngum í skólann mánuðinum.

Einfaldasta leiðin til að auka hreyfingu í daglegu lífi er að velja virkan ferðamáta, svo sem göngu, hjólreiðar, hlaup og hjólabretti. Ávinningur er ekki aðeins bundinn við andlega og líkamlega vellíðan heldur er þetta einnig umhverfisvæn og hagkvæm leið til að komast á milli staða.