Alþjóðlegi Göngum í skólann dagurinn er í dag, 10. október. Þar með líkur verkefninu Göngum í skólann formlega þetta árið.

Við þökkum öllum þeim skólum sem tóku þátt í ár en það var metþátttaka með 75 skólum. Margir skólar sendu inn frásagnir og myndir af því sem fór fram í skólunum og hefur verið gaman að fylgjast með því hversu fjölbreytt og skemmtilegt starfið er í grunnskólum landsins. 

Markmið verkefnisins sem er m.a. að hvetja til aukinnar hreyfingar með því að auka færni barna til að ganga á öruggan hátt í skólann og um leið fræða þau um ávinning reglulegrar hreyfingar.  Okkar von er að þetta verkefni sé hvatning fyrir nemendur, foreldra og starfsfólk skóla til að tileinka sér virkan ferðamáta í og úr skóla allt árið um kring.